तहसीलदार आर. जे. पवार:अमृत महोत्सवानिमित्त आयोजित भव्य कार्यक्रम उत्साहात संपन्न..
देवगड
आजच्या विद्यार्थ्यांनी केवळ नोकरीच्या दृष्टीने शिक्षण न घेता समाजासाठी उपयुक्त ठरेल असे सर्वांगीण शिक्षण घ्यावे, अशी अपेक्षा एक अधिकारी आणि नागरिक या नात्याने मी व्यक्त करतो, असे प्रतिपादन देवगडचे तहसीलदार आर. जे. पवार यांनी केले.
ते मिठबाव येथील क्षात्रोकुलोत्पन्न मराठा समाज संचलित रामेश्वर हायस्कूलच्या शताब्दी महोत्सव व अध्यापक महाविद्यालय, मिठबावच्या अमृत महोत्सवानिमित्त आयोजित भव्य कार्यक्रमात बोलत होते. यावेळी त्यांनी संस्थेचे पदाधिकारी, शिक्षकवृंद, माजी विद्यार्थी तसेच ग्रामस्थांचे मनःपूर्वक अभिनंदन केले. ही शिक्षणसंस्था अशीच शिक्षणाची ज्योत पिढ्यान्पिढ्या उजळत राहो आणि येथील विद्यार्थ्यांचे आयुष्य उज्ज्वल होवो, अशी सदिच्छाही त्यांनी व्यक्त केली.
