बिबवणे येथे ५० लहानथोर कलाकारांच्या संचात सादरीकरण:महानाट्य सादर करण्याचा बिबवणेवासियांचा स्तुत्य उपक्रम..
कुडाळ
बिबवणे गावातील शिवप्रेमींनी शिवजयंती निमित्त आयोजित केलेले छत्रपती शिवाजी महाराजांच्या जीवन प्रवासातील किल्ले पन्हाळगडावरून सुटका या प्रसांगावर आधारित ‘शिवरायांची शौर्यगाथा’ हे महानाट्याच्या अंगाने जाणारे लहानथोर अशा तब्बल ५० कलाकारांच्या संचात सादर झालेले हे नाटक रसिकांच्या मनाचा ठाव घेऊन गेले. बिबवणे येथील लक्ष्मीनारायण विद्यालयाचे आजी – माजी विद्यार्थी आणि बिबवणे – पिंगुळी शिवप्रेमी यांच्यावतीने शिवजयंती निमित्त या नाटकासहित इतर कार्यक्रमांना रसिकांचा उदंड प्रतिसाद लाभला.
