मंदार केणी व यतीन खोत यांची मागणी: बंदर विभागाचे वेदले लक्ष..
मालवण,ता.२८:-
मालवण बंदरजेटी समोरील पार्किंग बंदर विभागाने निविदा प्रक्रिया करून खासगी ठेकेदाराला चालवण्यास दिले आहे. येथून मच्छीमारांचा किनाऱ्यावर येण्या जाण्याचा पारंपरिक मार्ग असून या ठेकेदाराने हा मार्ग बंद केला आहे. त्यामुळे मच्छिमारांबरोबरच अनेकांची गैरसोय होत असून पार्किंग मधील मच्छिमारांचा पारंपारिक मार्ग खुला करावा, अशी मागणी शिवसेना ठाकरे गटाचे जिल्हा प्रवक्ते मंदार केणी, माजी नगरसेवक यतीन खोत यांच्या नेतृत्वाखालील शिष्टमंडळाने बंदर विभागाकडे केली आहे.
